പ്രൈമറി സ്‌കൂൾ അധ്യാപകരായിരുന്ന കെ ആർ സുകുമാരന്റെയും എ വി പുഷ്പാർജിനിയുടെയും മകനായി 1976-ൽ തൃശ്ശൂരിൽ ജനനം. മലപ്പുറം ജില്ലയിലെ വളാഞ്ചേരിയിലാണ് വീട്. വൈലത്തൂർ, പൊന്മുണ്ടം, വളാഞ്ചേരി, നാഗ്പുര്‍, മുംബൈ, ബാംഗളൂർ, നഗാനോ, ചെന്നൈ, ഹൈദരാബാദ്, ഗുവാഹട്ടി, ഡല്‍ഹി എന്നിവിടങ്ങളിലൊക്കെയായി ജീവിച്ചു. 2007- ൽ ഐ ഐ ടി ബോംബെയിൽ നിന്ന് കമ്പ്യൂട്ടർ സയൻസിൽ പി എച്ച് ഡി. ചെന്നൈ മാതമാറ്റിക്കൽ ഇൻസ്റ്റിറ്റ്യൂട്ട്, IIT ഗുവാഹട്ടി, ബംഗളൂരിലും നോയ്ഡയിലുമായി SAS, Cadence എന്നീ രണ്ടു സോഫ്റ്റ് വെയർ കമ്പനികൾ എന്നിവിടങ്ങളിൽ ജോലി ചെയ്തു. 2010 ജൂലൈ മുതൽ കോഴിക്കോട് NITയിൽ ജോലിയും താമസവും.